Калі вы хочаце здзівіць гасцей вытанчанай, але ў той жа час простай у гатаванні стравай, рызота з ружамі — ідэальны выбар. Пялёсткі не толькі ўпрыгожаць страву, але і нададуць ёй элегантнасць.
Фота: parmalat.it
Усім вядома, што пялёсткі руж выдатна спалучаюцца з трускалкамі і аздабляюць дэсерты. Але ружа можа ўпрыгожваць і больш сытныя стравы. Памятайце толькі, што не ўсе ружы пасуюць для ўпрыгожвання страў, таму выбірайце ядомыя гатункі, не апрацаваныя хімікатамі.
Гэты рэцэпт стане выдатнай ідэяй для рамантычнай вячэры. Насычаны смак рысу з вяршкамі, прыгатаванага на патэльні, у спалучэнні з тонкім водарам пялёсткаў руж робіць страву неймаверна духмянай і далікатнай.
Каб прыгатаваць рызота з пялёсткамі руж, спатрэбіцца:
- рыс карнаролі або арборыа — 160 г
- вяршкі (могуць быць безлактозныя) — 2 ст. л.
- масла — 50 г
- здробненыя фісташкі — 30 г
- чырвоныя і ружовыя пялёсткі руж — прыкладна дзве жмені
- сухое белае віно — 1 келіх
- зялёная цыбуля
- агароднінны булён — па неабходнасці (ад 1 да 3 шклянак)
- цёрты пармезан — на ваш смак (можа быць 3 ст. лыжкі)
- соль, перац — на ваш смак
Як гатаваць:
- Замачыце пялёсткі руж у вадзе прыкладна на гадзіну. Абсушыце.
- Здрабніце шалот і абсмажце яго на патэльні ў невялікай колькасці масла. Дадайце рыс і абсмажвайце на працягу хвіліны.
- Уліце белае віно і дайце яму выпарыцца. Затым паступова дадавайце агароднінны булён. Увесь час памешвайце, і калі рыс уцягвае ўсю вадкасць, падлівайце булён па паўшклянкі. У сярэдзіне працэсу гатавання дадайце прасушаныя пялёсткі руж. Давядзіце рызота да гатоўнасці.
- Дадайце вяршкі і цёрты пармезан, старанна змяшайце. Падавайце, упрыгожыўшы страву адкладзенымі пялёсткамі руж і груба здробненымі фісташкамі.
Смачна есці!
Цяпер чытаюць
Знікненне спікеркі КР Анжалікі Мельнікавай. Усё важнае, што вядома на гэты момант10
Каментары